27 April ( SGN) - Faah faahinno dheeraad ah ayaa ka soo baxaya dhacdo naxdin leh oo Jimcihii shalay ka dhacday degmada Yaaqshiid ee gobolka Banaadir. Aabe iyo wiil uu dhalay ayaa waxaa dhex maray dhibaato aad u fool xun, taasoo keentay in aabaha geeriyoodo, wiilkana uu soo gaaro dhaawac halis ah. "Ma nasan doono ilaa sharciga la horkeeno dambiilaha," ayuu yiri mid ka mid ah ehelada marxuumka.
Wararka ayaa sheegaya in wiilka dhalinyarada ah uu dhaawac ka soo gaaray madaxa, iyadoo rasaastu ay daaqeyso madaxa. Nasiib darro, duruufaha dalka ka jira awgood, wax yar oo caafimaad ahaan looma qaban karo. "Dhaawaca cunuggu wuxuu ahaa mid aad u daran, iyadoo xabbaddu ay ka gashay madaxa, inkastoo dadaallo lagu sameeyay isbitaalka, waxba lagama qaban karin," ehelka ayaa sharraxay.
Maamulka degmada ayaa si deg deg ah uga jawaabay falkaasi, iyadoo maamulka degmada iyo saraakiisha ammaanka ay qaadeen tallaabo deg deg ah. Askarigii falkaas geystay ayaa gacanta lagu dhigay, waxaana la bilaabay dacwado dhanka sharciga ah.
Magaalada Muqdisho ayaa muddooyinkii dambe waxaa kusoo badanayay falalka argagixisanimo, kuwaasi oo saameyn ku yeeshay nolosha dadka deegaanka. Weerarkan oo ahaa mid gaar ah oo uu fuliyay askari ka tirsan ciidamada dowladda, ayaa ka dhacay xaafadda Tookiyo ee degmadaas, sida ay sheegeen dadka deegaanka.
Wararka ayaa sheegaya in Askariga la sheegay in uu doonayay in uu dhac u geysto,kadib markii Aabihii oo watay cunugiisa uu ku turunturooday. Nasiib darro, Aabihii ayaa isla goobta ku naf waayay, halka ubadkiisana uu soo gaaray dhaawac culus.
Mid ka mid ah Ehelada Marxuumka oo la hadlay Telefishinka Somali Cable ayaa shaaca ka qaaday in Aabihii lagu dilay Taleefanka gacanta iyo in la shaaciyo Koodhka sirta ah ee Akoonka EVC-giisa. Qoyskan ayaa wacad ku maray in aan la aasi doonin meydka ilaa laga soo qabanayo dambiilaha, maadaama uu isla markiiba goobta ka baxsaday falkaasi.
Post a Comment
0 Comments