17 March ( SGN) Maalintii la soo gebagebeeyey doorashadii madaxtinimo ee Ruushka, Kremlin-ka ayaa farta ku fiiqay Ukrain in ay soo abaabushay weerarrada xagga hawada ah si loo carqaladeeyo hannaanka doorashada. Doorashadan ayaa la filayaa inay ku sugto hoggaanka madaxweyne Vladimir Putin lix sano oo dheeraad ah.
Saraakiisha ayaa soo wariyay in in ka badan 50% codbixiyayaasha Ruushka ee xaqa u leh ay ka qaybqaateen doorashada labadii maalmood ee ugu horeysay ee saddexda maalmood ee codbixinta. Maalinta u danbeysa ayaa loo arkaa xili xasaasi ah oo lagu qiyaasi karo adkeysiga mucaaradka, kuwaas oo isugu soo baxay saldhigooda si ay codkooda u dhiibtaan mar qura duhurkii dibad bax loogu magac daray "Duhur ka soo horjeeda Putin." Xiliga doorashada ayaa waxaa hareeyay mudaaharaadyo marmar ah, balse colaada ka taagan Ukraine ayaa hadheeyay dhacdooyinkan.
Madaxweyne Putin ayaa ku eedeeyay Ukraine inay xoojisay weerarrada diyaaradaha aan duuliyaha lahayn iyo gantaallada ee ka dhanka ah Ruushka iyo dhulalka ay Moscow maamusho ee Ukraine, taasoo ujeeddadeedu tahay inay farageliso doorashada. Waxa uu ballan qaaday in uu ka aargoosan doono Ukraine falalkaas. Gelinkii hore ee Axadda, mas’uuliyiin ka tirsan Ruushka ayaa sheegay in ciidamada Ukraine ay ku adkeysteen duqeymaha ay ka geysanayaan deegaannada Ruushka ee ku dhow xadka Ukraine.
Post a Comment
0 Comments