Iscasilaada Wasiirkii Arimaha Dibada Soomaaliya Mudane Abshir Cumar Jaamac (Huruuse) ayaa ka dambeysay kadib markii uu isku soo taagay xilka Madaxtinimada Puntland oo ah maamul ka tirsan Soomaaliya.
Huruuse ayaa si rasmi ah ugu dhawaaqay in uu iska casilay xilkiisa, kadib qoraal uu soo saaray, isagoo ku sababeeyay inuu doonayo inuu xooga saaro musharaxnimadiisa. “Bismillaahi 18-December-2023, waxaan ka tagayaa xilkii aan ka hayay Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya, waxaan aaminsanahay in aan si daacadnimo iyo daacadnimo ku jirto ugu adeegay qarankayga. “ayuu ku sheegay qoraalkiisa iscasilaada.
Isagoo ku nuux-nuux saday in bixitaankiisa uu ahaa mid iskiis ah, waxa uu carabka ku dhuftay inuu doonayo inuu dadaalkiisa u huro ololaha doorashada madaxtinimada Puntland ee soo socota. “Anigoo raali ka ah ayaan isku casilay si aan u kala hormariyo oo aan ugu diyaar garoobo doorashada madaxtinimada ee dhawaan ka dhaceysa dowlad goboleedka Soomaaliyeed ee Puntland,” ayuu mar kale ku yiri warsaxaafadeedka. Talaabadan ayaa u sahlaysa Huruuse in uu xooga saaro musharaxnimadiisa oo uu si madaxbanaan u galo hawlaha doorashada.
Post a Comment
0 Comments